وەکوو زوڵفت دڵم شێواوە ئەمشەو
از کتاب:
دیوانی زاری
اثر:
زاری (1905-1982)
1 دقیقه
891 مشاهده
وەکوو زوڵفت دڵم شێواوە ئەمشەو
لە دووری تۆ قوڕم پێواوە ئەمشەو
شەڵالی خوێنە داوێن و بەرۆکم
ئەوندەم خوێنی دڵ ڕێژاوە ئەمشەو
دڵێکم بوو ڕەفیق و هەم زبانم
لە حەڵقەی پەرچەما جێ ماوە ئەمشەو
بڵاوە فیکرەتم وەک تاری گێسووت
وەکوو شێتێ پەری لێی داوە ئەمشەو
نەشێوێنێ خودا ئیقباڵی ساقی
نەویدی وەسڵی یاری داوە ئەمشەو
لە جۆشی شەوقی دیداری دڵ ئارام
پیاڵەی دیدە پڕ خوێناوە ئەمشەو
سەفا «زاریتخلص» نییە بۆ بەزمی ئێمە
شەرابم شەربەتم لیڵاوە ئەمشەو