wekû zułifit diłim şêwawe emşew
Li pirtûka:
Dîwanî Zarî
Berhema:
Zarî (1905-1982)
1 Xulek
690 Dîtin
wekû zułifit diłim şêwawe emşew
le dûrî to quřim pêwawe emşew
şełalî xwêne dawên û berokim
ewndem xwênî dił řêjawe emşew
diłêkim bû řefîq û hem zibanim
le ḧełqey perçema cê mawe emşew
biławe fîkiretim wek tarî gêsût
wekû şêtê perî lêy dawe emşew
neşêwênê xuda îqbałî saqî
newîdî wesłî yarî dawe emşew
le coşî şewqî dîdarî dił aram
pyałey dîde piř xwênawe emşew
sefa «zarîNasnava edebî» nîye bo bezmî ême
şerabim şerbetim lîławe emşew