در ثنا و حمد باری عزوجل گوید
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
3 دقیقه
635 مشاهده
ئیبتیدا بە ئیسم پادشای ئەعزەم
خەللاق و ڕەززاق عالەم و ئادەم
قەدیم و قەییووم زات «ذوالجلالعربی»
مەعدووم ئەفکار مەوجوود جە هەر حال
«شديد العقاب، ستار العيوبعربی»
كەريم و ڕەحيم «غفار الذنوبعربی»
قادر قودرەت «الله الصمدعربی»
سەنعەت نومای کەون ئەزەل تا ئەبەد
مەعرووف سیفات موزهیر مەعنی
تەجەللای زاتت جە دارەین غەنی
جە عەیب و عیللەت مانیع بێباکی
نابینای دیدەی عەقڵ ئیدراکی
مەعکووسەن کەونەین جە زیای زاتت
ئەزەل تا ئەبەد نوور سیفاتت
جە وەحید زات کروور سیفات
قەدەر کەرد قەلەم قەزای مەوجوودات
حووت و حەرەکە، وەحش و ئینس و جان
یاجووج و تویوور، جەحیم و جینان
مەوجوودەن یەکسەر جە نەشئەی سیفات
جوملە گەواهەن پەی وجوود زات
زەمین و زەمان، سەما هەفت تەبەق
سازنای جە دوڕڕ قودرەت موعەللەق
زات بێزەرفت زەرف سیفاتەن
ئیجاد کونندەی ئەشیا و نەباتەن
سیفاتت کەونین هەم لامەکانی
جە تەحت و جە فەوق پەیدا و پەنهانی
موزەییەن جە تۆ هەفت تەبەق سەما
کورسی و عەرش و فەرش تا «تحت الثریعربی»
مەشعەل نومای شەمس زیا و نار و نوور
زوڵمەت نومای ئەبر شەبان دەیجوور
بەعد مەوت مەحیا کونندەی نەبات
ئەموات بەخش ڕووح زومرەی «ذی حياةعربی»
موجەوهەر زیهن زەمیر عالەم
نە جوود «الستعربی» تا نەفخ عەدەم
بە فیقهـ و بەدیع، کەلام و هەیئەت
نەیاوان بە کونهـ زات بێمیننەت
جوملە ئەنبیا و فریشتان تەمام
بەند حیرەتن یەکسەر جە ئیفهام
سیراتت چێشەن یا میزان زو چی
عەتات نە چێشەن یا خەتا زو کی
«لا يسال ذات، علي الاعلیعربی»
هەم لایق بە تۆن هەر حەمد و سەنا
تەئەسسوف ئێدەن جە «بين العوامعربی»
شایستەی شەئنت کەس نەکەرد تەمام
دەرک و عەقڵ و فیکر بێنوتق و ماتەن
سەرئەفگەندەی عیجز حەمد و سەناتەن
چارە هەر ئێدەن پەرێ عەبد زار
گوشاد کەر زوبان پەرێ ئیستیغفار
یاحەق ئەر گونام بێحەدەن، بێشوو
جە کۆهـ عەفووت مەنمانۆ بە موو
ئەر ڕووسیاهم سکەم سفیدەن
جە تەهلوکەی بیم بە تۆم ئومیدەن
بە «لا تقنطوا من رحمة اللهعربی»
باقییەن یەقین «آمنت باللهعربی»
یە بەشارەتەن جیهان ئافەرین!
بە عەفووی گونای زومرەی موزنیبین
ببەخشا گونام مەندەنان زەلیل
مووەففەقم کەر بە تەوبەی تەعجیل
«فەقێتخلص» لاڵیات نمەبۆ تەمام
بەر موحەممەد بۆ سەلات و سەلام