بِسْمِ ٱللّٰهِ ٱلرَّحْمَٰنِ ٱلرَّحِيم
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
590 مشاهده
حەییی ڕەببانی! حەییی ڕەببانی!
فەرد «لايموتعربی» ، حەییی ڕەببانی!
زات «لم يزلعربی» بەحر مەعانی
بێعەیب و «لاشركعربی» هەم بێمەکانی
بە عەزیمیی وێت «علي الاعلیعربی»
بە فەزڵ ئەنوار عەرش موعەللا
بە عیززەتی شەئن «أسما الحسناعربی» ت
بە نوور قودرەت پەردەی حیجابات
بەشق مەکتووبات جە لەوح مەحفووزت
بە شوعلەی خورشید گێتی ئەفرووزت
بە نوور قەلەم کورسی و مەقامات
بەو زینەت ئەفزای نەجم سەماوات
بە سوجدە و ڕوکووع فریشتەی نوورت
بە زەمزەمەی زیکر «بيت المعمورعربی» ت
بە حورمەت نوور ئەنبیا تەمام
بەشق موحەممەد «صاحب المقامعربی»
بەشق ئەمیران پشت و پەنای دین
یەعنی چەهار یار «سيد المتينعربی»
بە شەرافەت نوور جوملە ئەولیا
بە سەبیل ڕۆح زومرەی شوهەدا
نەو مەعرەکەی سەخت بەڵا و ئاسیبا
«يوم يجعل الولدان شيباعربی»
بە ڕەحیمیی وێت ڕەحمەت بێ پایان
نەومیدم نەکەی نە دەرگای غوفران
بە ئەلتاف وێت زات بێمیننەت
عەفوو کەر گونام جە هەر مەعسیەت
هەرچەند سەراپام غەرق گوناهەن
جای ئومێد تۆی بە تۆم پەناهەن
جەودەم زەلزەلەی مەحشەر بۆ گوشاد
هەرکەس پەرێ حاڵ وێش مەکۆ فەریاد
بە عەزیمیی وێت «الله اكبرعربی»
بە حورمەت نوور «سيد البشرعربی»
نەی زنجیر زەنب حەملەن نە ڕیجلەین
ئازادم کەری شاهەنشای کەونەین!
بە کیبریای زات دانای داوەری
«فەقێتخلص» جە دارەین سەر ئازاد کەری