در تاریخ خاتمه‌ی کتاب چگونگی بعد گوید
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
515 مشاهده
یاران ئەر پەرسان وازیع کیتاب
«عبدالقادرعربی» ەن جە قەید عەزاب
حوجرەی دڵ بە مەیل حەق کەردەن گوشاد
ئینشەڵڵا جە قەید زوو مەبۆ ئازاد
«خصوصاعربی» ئیمڕۆز قەلبم گوشادەن
مەتڵەبم جە حەق «حسب المرادعربی» ەن
نەزدیکەن جە نۆ بە یاریی یەزدان
بنیشوون بە شاد جە موڵک بازیان
مەبۆ بە مەسکەن تەخت چەمچەماڵ
مەکەروون وە پا خەیمەی سیاماڵ
مەکەروون سەیران سەحرا و دەشت و دەر
مەوینوون وە چەم حەبیبان یەکسەر
جە سەحرای ویسعەت فەسڵ بەهاران
مەکەریم شکار ڕەمەی تەتاران
مەنیشیم نە تۆی عەرووسی و ئوتاق
زەمزەمەی زەوقم مەیۆ نە ئافاق
ئەمما بە شەرتێ نەکەی ڕیاسەت
نەکەی فەرامۆش ئەی گشت سیاسەت
تەئریخ تەئلیف میعراج خاتەم
سەنەی هەزار بی جە سێسەد سێ کەم
سوڵتان ئێرانمکان «ناصرالدینشخص» بی
سوڵتان حەمیدخان جە قوستەنتین بی
یاڕەببی ڕەحمەت بێحەدد و حیساب
عەتا کەر بە ڕۆح «قاریء الكتابعربی»
هەم بەر موئەللیف هەم بەر سامیعان
عەتا کەر یاڕەب ڕەحمەت بێ پایان
بەر نوور جەمال «سيدالنامعربی»
هەزاران دروود، هەزاران سەلام