در ثنا و حمد باری عزوجل گوید

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 3 خولەک  613 بینین
ئیبتیدا بە ئیسم پادشای ئەعزەم
خەللاق و ڕەززاق عالەم و ئادەم
قەدیم و قەییووم زات «ذوالجلالعەرەبی»
مەعدووم ئەفکار مەوجوود جە هەر حال
«شديد العقاب، ستار العيوبعەرەبی»
كەريم و ڕەحيم «غفار الذنوبعەرەبی»
قادر قودرەت «الله الصمدعەرەبی»
سەنعەت نومای کەون ئەزەل تا ئەبەد
مەعرووف سیفات موزهیر مەعنی
تەجەللای زاتت جە دارەین غەنی
جە عەیب و عیللەت مانیع بێباکی
نابینای دیدەی عەقڵ ئیدراکی
مەعکووسەن کەونەین جە زیای زاتت
ئەزەل تا ئەبەد نوور سیفاتت
جە وەحید زات کروور سیفات
قەدەر کەرد قەلەم قەزای مەوجوودات
حووت و حەرەکە، وەحش و ئینس و جان
یاجووج و تویوور، جەحیم و جینان
مەوجوودەن یەکسەر جە نەشئەی سیفات
جوملە گەواهەن پەی وجوود زات
زەمین و زەمان، سەما هەفت تەبەق
سازنای جە دوڕڕ قودرەت موعەللەق
زات بێزەرفت زەرف سیفاتەن
ئیجاد کونندەی ئەشیا و نەباتەن
سیفاتت کەونین هەم لامەکانی
جە تەحت و جە فەوق پەیدا و پەنهانی
موزەییەن جە تۆ هەفت تەبەق سەما
کورسی و عەرش و فەرش تا «تحت الثریعەرەبی»
مەشعەل نومای شەمس زیا و نار و نوور
زوڵمەت نومای ئەبر شەبان دەیجوور
بەعد مەوت مەحیا کونندەی نەبات
ئەموات بەخش ڕووح زومرەی «ذی حياةعەرەبی»
موجەوهەر زیهن زەمیر عالەم
نە جوود «الستعەرەبی» تا نەفخ عەدەم
بە فیقهـ و بەدیع، کەلام و هەیئەت
نەیاوان بە کونهـ زات بێمیننەت
جوملە ئەنبیا و فریشتان تەمام
بەند حیرەتن یەکسەر جە ئیفهام
سیراتت چێشەن یا میزان زو چی
عەتات نە چێشەن یا خەتا زو کی
«لا يسال ذات، علي الاعلیعەرەبی»
هەم لایق بە تۆن هەر حەمد و سەنا
تەئەسسوف ئێدەن جە «بين العوامعەرەبی»
شایستەی شەئنت کەس نەکەرد تەمام
دەرک و عەقڵ و فیکر بێنوتق و ماتەن
سەرئەفگەندەی عیجز حەمد و سەناتەن
چارە هەر ئێدەن پەرێ عەبد زار
گوشاد کەر زوبان پەرێ ئیستیغفار
یاحەق ئەر گونام بێحەدەن، بێشوو
جە کۆهـ عەفووت مەنمانۆ بە موو
ئەر ڕووسیاهم سکەم سفیدەن
جە تەهلوکەی بیم بە تۆم ئومیدەن
بە «لا تقنطوا من رحمة اللهعەرەبی»
باقییەن یەقین «آمنت باللهعەرەبی»
یە بەشارەتەن جیهان ئافەرین!
بە عەفووی گونای زومرەی موزنیبین
ببەخشا گونام مەندەنان زەلیل
مووەففەقم کەر بە تەوبەی تەعجیل
«فەقێناسناوی ئەدەبی» لاڵیات نمەبۆ تەمام
بەر موحەممەد بۆ سەلات و سەلام