فۆنتی ڤەژین

فۆنتی ڤەژین

فۆنتی ڤەژین بە ئامانجی سازکردنی تایپفەیسێکی مۆنۆلاینی و بە لەبەرچاوگرتنی ڕێسا هیندەسییە تایبەتەکان و لەسەر بنەمای خەتی نەسخ بەتایبەتی بۆ دەقی سەر شاشە دروست کراوە.

ژمارەی کورسییەکان

لەم فۆنتەدا هەوڵ دراوە ژمارەی کورسییەکان کەم بکرێتەوە. هەروەها بەرزی و نزمیی پیتەکان بە جۆرێکن کە بەشێوەیەکی هاوسەنگ و هاوئاهەنگ دەوری هێڵی کورسیی ناوینیان گرتووە.

کێشەکان

چوار کێشی لایت (ناسک)، بۆڵد (ئەستوور)، نیو بۆڵد (نیوەئەستوور) و بڵاک (ڕەش) بۆ فۆنتی ڤەژین ساز کراوە. بۆ ستایڵی ئیتالیک، پیتەکان بەپێچەوانەی فۆنتەکانی تر، بەرەو چەپ لار دەبنەوە.

پیتە تایبەتەکانی خەتە عەرەبی و لاتینەکان

فۆنتی ڤەژین هەموو پیت و هێمایەکی پێویستی تێدایە بۆ نووسینی کوردی (ڕێنووسی ستانداردی کوردیی ناوەندی و هەروەها هەورامی، کەڵوڕی)، فارسی، عەرەبی، ئوردوو و زمانەکانی باکوور و ڕۆژاوای ئەورووپا. پیتە لاتینەکانیش بە شێوەیەک هەڵبژێرراون کە لەگەڵ پیتە عەرەبییەکاندا هاوئاهەنگ ببن.

گۆشەی قەڵەم

گۆشەی قەڵەم یان دەستپێکی جووڵەی سترۆک لە سەرەتای پیتەکان و هێماکان هاوئاهەنگ لەگەڵ کۆتایی پیتەکان دروست کراوە.

هاوتایی بۆشایییەکان

بۆ ئاسانکردنەوەی خوێندنەوەی دەق، هەوڵ دراوە مەودای نێوان پیتەکان و وشەکان و دێڕەکان و هێماکانی خاڵبەندی بەشێوەیەک ببێت کە بۆشاییی ئەرێنی و نەرێنی هاوسەنگ بکرێتەوە.

هاوتایی پیتە هاوشێوەکان

لە فۆنتی ڤەژیندا هاوتایی نێوان پیتە هاوشێوەکان وەک خڕەکان (ق، ل، ن، ی) پارێزراوە و بۆ پیتەکانی تریش (ف، و، ر، د، ه، ک) لە تێکەڵکردنی فۆرمەکان کەڵک وەرگیراوە.

پەیوەندی لەگەڵ خوسرەو مەعرووفی:

• telegram: @Khmrf
• kh.marufi [at] gmail.com
• khmrf [at] yahoo.com