ساقی سا دەی مەی باوەر پەیاپەی
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
1 دقیقه
234 مشاهده
ساقی سا دەی مەی باوەر پەیاپەی
سەحرای دڵ تا کەی بێ مەی بۆ چون بەی
موتریبان سەف سەف کەف بدەن نە دەف
بەشق شای نەجەف دڵ کەن بە هەدەف
گەرم کەن ئاهەنگ، بەرز کەن سەدای زەنگ
دەنگ زەنگ بەرز کەن فرسەنگ بە فرسەنگ
نە شۆر نەشئەی شورب شەرابی
نە گرمەی تەمبوور تار ڕوبابی
بخرۆشۆ دەماغ، بجۆشۆ زەمیر
هۆش مەدهۆش دەنگ جە نوتق و تەقریر
بەڵ جە سایەی شۆر بەزم ئارای ئازیز
زەنگ دڵ وە زاخ بادە بۆ تەمیز
بە تەئسیر نەزم بەستەی عێراقی
ئازاد بام جە نار کوورەی فیراقی
شیر بەچەی دڵ وەسڵ مەتلووبەن
جەلای ڕۆح سرووش حەیی مەحبووبەن
«فەقێتخلص» دڵ نە شەوق بادە باقییەن
مونتەزیر بە لوتف غەمزەی ساقییەن