نەورۆزنامە
از کتاب:
چوارباخی پێنجوێن
اثر:
قانع (1898-1965)
2 دقیقه
784 مشاهده
موبارەک بێ بە سەربەستی کە ئەمڕۆ جەژنی لاوانە
موبارەک بێ بەدڵخۆشی کە جەژنی میر و گاوانە
موبارەک بێ کە ئەم نەورۆزە جەژنی میللەتی کوردە
موبارەک بێ بەدڵخۆشی کە جەژنێکی قەدیمانە
برا ئەم ڕۆژە ڕۆژێکە کە جەژنی میللەتی کوردە
برا ئەم ڕۆژە ڕۆژێکە کە فەخری هۆزی کوردانە
لە نەورۆزا بوو کەیخەسرەوشخص چووە سەر تەختی ئێرانی
هەر ئەم نەورۆزەیە ڕۆژی جلووسی شا کەریم خانەشخص
لە نەورۆزا بوو کاوەشخص، مێشکی زەححاکشخصی کە دەرهێنا
هەر ئەم نەورۆزەیە ڕۆژی فتووحاتی هەڵۆخانە
لە نەورۆزی هەزار و بیست و پێنجی هیجریا بوو خۆ
لە شاری «زەڵممکان» خان ئەحمەدشخص چووە سەرتەختی شاهانە
قڕی خستە «قزڵباش» و شکانی هێزی «تەهماسیب»
تەماشای بەندی مێژوو کە بە ڕووناکی نمایانە
دەسا گوێڕاگرە میللەت کە چۆن ئێستاکە داماوی
لەداخی سەر کزی تۆیە کە قانعتخلص جەرگی بریانە
دەسا چاکت بەلادا کە لەمەیدانی فیداکاری
بەرابەر دوژمنت هەردەم بنرکێنە بە شێرانە
دەسا ڕاستۆ بن ئەی میللەت هەتاکەی مات و بێ هۆشن
لەبەرچی خاکی نیشمانت لەبۆ تۆ کونجی زیندانە
لەبەر چی لاوی خوێن گەرمت پەشێو و مات و بێ ڕەنگە
لەبەرچی گەنجی هۆشیارت لەبەر تۆ جەرگی داغانە
لەبەر چی کەوڵی خۆت ئەمڕۆ وەکوو ڕێوی بە کوشتی دای
بەدەس خۆتە سووتاوی تەداویت سەهل و ئاسانە
پشتی یەک بگرن لە دڵ دەرکەن ڕقی یەکتر
...متن نامشخص خەمی یەکتر بناڵێنن بە مەستانە
برا بن غایەتان یەک بێ برایی غایە یەک بوونە
ئەوەی کۆمەک بەبیرت بێ لەهەر لا بێ براتانە
بڵێ لاوێ وەکێڵم بێ کە هاوبیر و کە هاوخوێنە
بڵێ لاوێ وەکێڵم بێ کە وەک من جەرگی داغانە
بڵێ لاوێ وەکێڵم بێ وەتەن نەفرۆشێ بۆ پارە
بڵێ لاوێ وەکێڵم بێ لە بۆ من هەر لە گریانە
دە قانعتخلص سەرکەوە بۆ سەر منارەی بەرزی ئامانجت
لەوێدا بانگی مللی دە و بڵێ وا ڕۆژی نیشتمانە