لە هەرلا
از کتاب:
ئاشنایی و ڕۆشنایی
اثر:
علی عارف آقا (1910-1996)
1 دقیقه
289 مشاهده
کە تۆ دوور بی پەرێشانم لە هەرلا
خەریکی ئاخ و گریانم لە هەرلا
کە دەتبینم ئەجووڵێ هەستی بەرزم
ژیانم شاد و بێ ژان لە هەرلا
کە بۆ لام هاتی گیانە پێت ئەبەخشم
هەموو دەسکەوت و سامانم لە هەرلا
لە بۆ تۆیە ئەگەر باوەڕ ئەکەی پێم
هەموو ئەشعار و پەخشانم لە هەرلا
بە تەنها چاوی من هەر تۆ ئەبینێ
ئەتۆی ڕووناکی چاوانم لە هەرلا
کە من جوانپەرستی کردەوەم بێ
هەژار و دوور لە تاوانم لە هەرلا