وژینبوکس > شاهو > دیوانی شاهۆ > ە > باز لەتاو هیجرانی یارم ئارەزووی گریانمە

باز لەتاو هیجرانی یارم ئارەزووی گریانمە

از کتاب:
دیوانی شاهۆ
اثر:
شاهو (1882-1971)
 2 دقیقه  266 مشاهده
زبان:
کردی مرکزی
قالب:
غزل
وزن:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
گزارش اشتباه
فونت:
باز لەتاو هیجرانی یارم ئارەزووی گریانمە
مەیلی واوەیلا و ڕۆڕۆ و ناڵە و ئەفغانمە
وێڵ و سەرگەردان و مەبهووت و حەزین و دەربەدەر
هێندە خەمبارم ئەم ئێستا عەینی قوڕ پێوانمە
دوور لە یارم، بێ کەسم، بێ موونس و سەحرانەوەرد
هەر وەکوو مەجنوونی لەیلا، شەوقی سەر کێوانمە
وەختە لەت لەت بێ بە جارێ دڵ لەتاو ئێشی قیراق
وەختە لێکۆ بن بە جارێ هەرچی ئەعزای گیانمە
گیان لە پەروازایە بۆ دەرچوون لە حەلقەی سینەما
یار لە کوێ بێ بێتە لام وا وەختی گیان کێشانمە
غەرغەرەی سەر سینەم و سوستیی حەواسم شاهیدن
مەوسمی مردنمە ئەمشەو ئاخری قەیرانمە
ئەی ڕەفیقان مەبنە سەربارم بە لۆمە و مەوعیزە
لێم گەڕێن بۆ خۆم ڕەحەت بم، وا ئەجەل میوانمە
من کە زامداری نیگاهی نازی چاوی دوڵبەرم
شەربەتی لێوی نیگارم مەرهەمی زامانمە
جەستەکەی خەستەی زەلیلم وا کە گیانی تیا نییە
جوانە مەرگی تیری عەشقی شۆخەکەی دەورانمە
هێند هیلاک و دەردناک و سینەچاک و عاجزم
زەحمەتە قوربان خەلاس بم دەردی بێ دەرمانمە
خوێنی جەرگ و دڵ کە وا ئەتکێ لە دیدەی شایقتخلصت
بۆ حیساباتی قیامەت شاهیدی دیوانمە