خوایا تۆ خۆت ساحێبی کوردی
از کتاب:
دیوانی شاهۆ
اثر:
شاهو (1882-1971)
1 دقیقه
217 مشاهده
خوایا تۆ بۆخۆت ساحیبی کوردی
خەبەرداری لە ئازار و لە دەردی
لەژێر باری گرانی جەور و زوڵما
ئەناڵێنێ هەموو خێزانی، وردی
لەناو ئەشکەوت و شاخ و شیو و دەشتا
بڵاو و پەخشە شێرانی نەبەردی
لەژێر ڕەحمی فڕۆکەی ورچی سوورا
هەموو وێرانە خانوو و دار و بەردی
لە بەر جەور و خراپەی نالەباران
هەمووی ڕەش پۆشە کێو و شیو و هەردی
وەکوو عونقایە ئینساف و مورووەت
لە دونیادا بەرامبەر قەومی کوردی
نەبیسرا کەس بەزەیی بێ بە کوردا
بپرسێت حاڵی ناڵە و ئاهی سەردی
وەکوو شاهۆتخلص ئەوەی کوردە هەمیشە
لە لوتفی تۆی ئەوێت دەرمانی دەردی