لەتیف و سەروقەدد و گوڵجەبینی
از کتاب:
دیوانی سالم
اثر:
سالم (1800-1866)
1 دقیقه
451 مشاهده
لەتیف و سەروقەدد و گوڵجەبینی
حەریف و دڵفەریب و دڵنشینی
لەگەڵ هەر بەرتەرین شۆخێ جەدەل کەی
بەهەر ئانێ لە حوسنا بێهتەرینی
خەریکی دڵنەوازیی دوشمنانی
لەگەڵ یارانی یەکدڵ هەر بە کینی
بە جەوری بێ حیساب و لوتفی ئەندەک
لە سەد لا زەهر و یەک لا ئەنگەبینی
بە تۆ نابن هەموو غیلمانی جەننەت
ئەتۆ ئەی نووری دیدەم نازەنینی
چ سیحرێ بێ دڵت تەسخیری من کا
بە هەر ئانێ کەتۆ سیحرئافەرینی
لەبی تۆ مەعدەنی مەرجانە نەک یەم
مەحەللی شەککە ئەو تۆ جێی یەقینی
لە بۆسەی شەهدی من گەر ڕوو ترش کەی
بە لەززەت هەر وەکوو ئەسکەنجەبینی
وەکیلی خزراعلامی، ئەی خاڵی لەبی یار!
لە گوێ ئابی حەیاتا جانشینی
دەکا تەسخیری دڵها لەعلی لێوت
سولەیماناعلام حیشمەت و ساحیب نگینی
بە یادی چیهرە، ئەی دڵ! بەندی توڕڕەی
لە کوردستانە سالمتخلص تۆ لە چینی