در ثناء و حمد حضرت الوهیت پناهی به حروف هجاء
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
3 دقیقه
991 مشاهده
زات ئیسم ئەڵڵاهەن، زات ئیسم ئەڵڵاهەن
«ئەلف» ئیبتیدای ئیسم ئەڵڵاهەن
ئەزەل و ئەبەد ئوولا و ئوخراهەن
ئەحیەد و وەحید عالەم پەناهەن
«بێ» باقی، بەدیع ئەرز و سەماوات
بە یەک نوقتە سونع سازان مەوجوودات
«تێ» تەختش کەونەین تاج لامەکان
کەس نە کونهـ زات نەدارۆ نیشان
«ثێ» ثەمەرەی زات ثەبت سیفاتەن
عاڵەم جە ثەنای سیفاتش ماتەن
«جیم» جەبباریش جیلوەی دوو جیهان
میزان و سیرات جەحیم و جینان
«حێ» حەمدەن حوقووق حەمید سیفاتەن
حەیی حەیات بەخش هەر زی حەیاتەن
«خێ» خالیق مەوسووم خیلقەت نومای زات
«دال» داوەریت جە دوڕ کەرد ئیسبات
«ذالعربی» زاتت دیم هەر «ذوالجلالعربی» ەن
موبەڕڕا جە شیرک هەم بێ زەوالەن
«ڕێ» ڕەززاق عام یەعنی ڕەحمانی
ڕەحیم بەر موئمین موعتیی جینانی
«زێ» زاکیر زات هەر زی حەیاتەن
موعیزز و موزیلل ئەوساف زاتەن
«سین» سەتتاریش «ستر العيوبعربی» ەن
«شين» شافی، شەهید «كشف الكروبعربی» ەن
«صادعربی» محصی و صمد و صەبووری هەردەم
«ضادعربی» ضارۆ نافیع عالەم و ئادەم
«طعربیێ» موعطی، موقسیط باسیت و شەکوور
«ظعربیێ» هەردەم ئیظهار صیفات نە ظوهوور
«عەین» «عليم السرعربی» ، «علي العظيمعربی»
«غەین» «غفار الذنبعربی» ، حەکیم و حەلیم
«فێ» فەتتاح کلید جەمع ئەبوابەن
واریس و مومیت موحیی و وەههابەن
«قاف» نە قودرەتەن قەییووم و قەدیم
قادیر و قەههار قوددووس و عەلیم
«کاف» کەریمیت شەئن کیبریان
بێ تەڵەب نیعمەت عاممەی تۆ عەتان
«لام» لەتیفیت قەڵەم دا ئەسەر
جە لەوح قەزا مەحفووزەن قەدەر
«میم» جە مەعبوودەن، مەتین و موعید
موغنیی و ڕەشید، موجیب و مەجید
«ن. و القلمعربی» نوقتەی نەفخ سوور
«واو» وەدوود، وەعدەی زەلزەلەی نوشوور
«هاءعربی» «هو الحقعربی» ەن، کە بەر جە «الستعربی»
هەرکەس نە جەواب ئەو ڕۆژەن سەرمەست
«لاعربی» ی لامەلفەلا پڕ مەعانییەن
لاعەیب و لاشیرک و لامەکانییەن
«یێ» یەزدان «والیعربی» «واسععربی» و «رافععربی»
«ربعربی» و «متعالعربی» «حكيمعربی» و «جامععربی»
مەنبەع قورئان بیست و نۆ حەرفەن
هەریەک بە سەد تار موسەممای وەسفەن
بە عیززەت وێت مونعیم وەههاب
هەرچەند گوناهم نەدارۆ حیساب
جای ئومێد تۆنی حەیی ڕەببانی
عەفووم کەر بەو لوتف دەریای غوفرانی
ها «فەقێتخلص» قەلبش قەید زنجیرەن
جە قەزای قانوون تورکان ئەسیرەن
هەم غوفران زەنب هەم نەجات نە بەن
هەم تەفریحدۆست هەم حوزن دوشمەن
بە حورمەت نوور حامیلان عەرش
هەر چوار عەتاکەر حەیی حەیات بەخش!
هەم بدەر تەوفیق زات لایەنام
واقیعەی سوڵتان میسری کەم تەمام
پەی تەسدیق قەلب عەقیدەی یاران
تازە کەم ئەخبار جە ڕۆزگاران