بە کەس نابێ بتی من ئاشنا قەت
از کتاب:
دیوانی مەحوی
اثر:
محوی (1836-1906)
1 دقیقه
2411 مشاهده
بە کەس نابێ بتی من ئاشنا قەت
غەزالەی بەڕ نیە ڕامی وەفا قەت
مەحاڵە بێت و ئەو پێ سەر سەرم نێ
بە تاجی پادشا ناگا گەدا قەت
وتم: چ بکەم لە بۆ وەسڵت؟ وتی: کەس
بە کەس نەیوتووە عیلمی کیمیا قەت
چ ئیستیغنا، چ وەحشی تەبعییێکە
نەپرسی تۆ هەواڵی ئاشنا قەت
لە یادت دەرنەچم بەس، پەس هەوەستە
لە دەرحەقما مەکە غەیری جەفا قەت
هەموو بیسمیلیە، هەر من نیمە بیسمیل
نەبوو کارێ بکا هەر بۆ خودا، قەت
هەموو فەخری کە داغ و دەردە عاشق
مەبەن، ڕیسوایییە، ناوی دەوا قەت
وتم: بێ باکە بۆ خوونڕێزی، ئەبرۆت
وتی: تێغ ئەز بڕش ناکا حەیا قەت
وتی: مەحویتخلص هەناسەی ئاگرینە
بە دەم من نازکم، ناوم نەبا قەت