وەکوو ڕۆژ ئەو مەهە لەو دوورە دەرکەوت
از کتاب:
دیوانی مەحوی
اثر:
محوی (1836-1906)
1 دقیقه
9291 مشاهده
وەکوو ڕۆژ ئەو مەهە لەو دوورە دەرکەوت
لەمێوە ئەشک و ئاهی ئێمە سەر کەوت
کە ئەو لێو و ددانەم دی، بە جارێ
لە بەر چاوم هەموو لەعل و گوهەر کەوت
وەنەوزێکم شەوێ دا، گەیییە سەرم و
وتی: هەستە، هەتاوت وا لە سەر کەوت
لە کێ یا ڕەب خەبەرپرسی بکەم من
کە هەر کەس بۆ خەبەر چوو، بێ خەبەر کەوت
دڵم وەک شێری بێشەی شوعلەگرتوو
لە سینەی پڕ لە سۆزم دەربەدەر کەوت
بە تیر ئەمڕۆ دڕی وا هەرچی پێش هات
خودا پێ داوە هەر کەس بەر نەزەر کەوت
لە سەر خۆ چوو بە دەم گریانەوە دڵ
گەڕەک پڕ بوو کە ئەم منداڵە دەرکەوت
لە ڕۆژاواوە ئیمشەو بێ نیقابە
مەهی من، ماهی عالەم بێ مەفەڕ کەوت
بە خۆڕایی ئەوەندەم ناڵە کێشا
لە سینەم دا پسا، ما، بێ ئەسەر کەوت
برۆی ئەو شۆخە ئەمڕۆ تێغی کێشا
نەجاتی دا بە ڕەحمەت هەرچی بەر کەوت
بە پیر ئەو ڕۆژەوە مەحویتخلص ئەوەندە
بە سەر چووبوو، وەکوو شەونم لە سەر کەوت