شەماڵ ئەڕجووم هەن هەی وە فیدات بام

از کتاب:
دیوانی مەولەوی
اثر:
مولوی (1806-1882)
 2 دقیقه  676 مشاهده
شەماڵ ئەڕجووم هەن هەی وە فیدات بام
وە سەرگەردی باڵ شانای هەوات بام
جەستە خەستەی خار خەم خەڵاتەنان
بەیدا پێوی گێڵ دوور وڵاتەنان
شاخ و داخ و زاخ چۆڵ و هۆڵ و کاو
سەر بەرد و سەر هەرد سارا و سەر سەراو
تەی کەر وە پڕتاو مدرانت نەبۆ
چون دووی هەناسەم شەوان تا بە ڕۆ
سەر بەر کەر نە سەر کۆی ئاتەشگاوە
بدیە وە مەسکەن خانەگااعلام و پاوەاعلام
زار زار و خاس خاس وە زار بناڵە
جا گێر نە سەر ئەوج قوللەی قەزاڵەاعلام
تا جە هەر کۆ بۆ تەمان موان جەم
نەو جەمدا زاری مەکاران وە چەم
سا ماچان یاران ئینە چێش بییەن
قەزاڵەاعلام ناڵاش چون جاران نییەن
یەکسان دڵ بەی ڕەنگ پەرێشان جەستەن
هەرکۆ هەن نەشئەی مەعدوومیتخلصی خەستەن
ئانا جە گرۆی جەرگەی هامسەران
«خەیاڵ»ی گرۆی دانەی دڵبەران
چ خێرەن نامەرد مەر نمەزانی؟
وەلای وێتەوە تۆی دۆسی گیانی!
مەعدوومیتخلصی خەمکێش خەمزەدەی خەمبار
زەردی دەردی سەخت دووری باڵای یار
یەن دەردی بێحەد جەلاش جەم بەستەن
تەسدیع جە گەردەن ئەزرائیل وستەن
عەلاوە ئەو بار وێش وەنەش بارەن
خوسووس جە یاگێش جاکەش دیارەن
بەو دەردانی سەخت گرد کارییەوە
هەر ئێد مواچۆن وە زارییەوە:
دڵ سفتەی بریان زوخاڵییە وێم
خەم وە خەم خەیاڵ خەیاڵییە وێم
مەتەرسوون بمروون جە داخی یاران
هەر بتلوون وە دەرد چون دەردەداران