شەماڵ ئەڕجووم هەن هەی وە فیدات بام
لە کتێبی:
دیوانی مەولەوی
بەرهەمی:
مەولەوی (1806-1882)
2 خولەک
619 بینین
شەماڵ ئەڕجووم هەن هەی وە فیدات بام
وە سەرگەردی باڵ شانای هەوات بام
جەستە خەستەی خار خەم خەڵاتەنان
بەیدا پێوی گێڵ دوور وڵاتەنان
شاخ و داخ و زاخ چۆڵ و هۆڵ و کاو
سەر بەرد و سەر هەرد سارا و سەر سەراو
تەی کەر وە پڕتاو مدرانت نەبۆ
چون دووی هەناسەم شەوان تا بە ڕۆ
سەر بەر کەر نە سەر کۆی ئاتەشگاوە
بدیە وە مەسکەن خانەگاناوی تایبەت و پاوەناوی تایبەت
زار زار و خاس خاس وە زار بناڵە
جا گێر نە سەر ئەوج قوللەی قەزاڵەناوی تایبەت
تا جە هەر کۆ بۆ تەمان موان جەم
نەو جەمدا زاری مەکاران وە چەم
سا ماچان یاران ئینە چێش بییەن
قەزاڵەناوی تایبەت ناڵاش چون جاران نییەن
یەکسان دڵ بەی ڕەنگ پەرێشان جەستەن
هەرکۆ هەن نەشئەی مەعدوومیناسناوی ئەدەبیی خەستەن
ئانا جە گرۆی جەرگەی هامسەران
«خەیاڵ»ی گرۆی دانەی دڵبەران
چ خێرەن نامەرد مەر نمەزانی؟
وەلای وێتەوە تۆی دۆسی گیانی!
مەعدوومیناسناوی ئەدەبیی خەمکێش خەمزەدەی خەمبار
زەردی دەردی سەخت دووری باڵای یار
یەن دەردی بێحەد جەلاش جەم بەستەن
تەسدیع جە گەردەن ئەزرائیل وستەن
عەلاوە ئەو بار وێش وەنەش بارەن
خوسووس جە یاگێش جاکەش دیارەن
بەو دەردانی سەخت گرد کارییەوە
هەر ئێد مواچۆن وە زارییەوە:
دڵ سفتەی بریان زوخاڵییە وێم
خەم وە خەم خەیاڵ خەیاڵییە وێم
مەتەرسوون بمروون جە داخی یاران
هەر بتلوون وە دەرد چون دەردەداران