şemał eřcûm hen hey we fîdat bam

From the Book:
Dîwanî Mewlewî
By:
Mawlawi Tawagozi (1806-1882)
 2 minutes  714 views
şemał eřcûm hen hey we fîdat bam
we sergerdî bał şanay hewat bam
ceste xestey xar xem xełatenan
beyda pêwî gêł dûr wiłatenan
şax û dax û zax çoł û hoł û kaw
ser berd û ser herd sara û ser seraw
tey ker we piřtaw midranit nebo
çun dûy henasem şewan ta be řo
ser ber ker ne ser koy ateşgawe
bidye we mesken xanegaNamed-Entity û paweNamed-Entity
zar zar û xas xas we zar binałe
ca gêr ne ser ewc qulley qezałeNamed-Entity
ta ce her ko bo teman mwan cem
new cemda zarî mekaran we çem
sa maçan yaran îne çêş bîyen
qezałeNamed-Entity nałaş çun caran nîyen
yeksan dił bey řeng perêşan cesten
herko hen neş’ey me’dûmîPen namey xesten
ana ce giroy cergey hamseran
«xeyał»y giroy daney diłberan
çi xêren namerd mer nimezanî?
welay wêtewe toy dosî gyanî!
me’dûmîPen namey xemkêş xemzedey xembar
zerdî derdî sext dûrî bałay yar
yen derdî bêḧed celaş cem besten
tesdî’ ce gerden ezra’îl wisten
’elawe ew bar wêş weneş baren
xusûs ce yagêş cakeş dyaren
bew derdanî sext gird karîyewe
her êd mwaçon we zarîyewe:
dił siftey biryan zuxałîye wêm
xem we xem xeyał xeyałîye wêm
metersûn bimrûn ce daxî yaran
her bitlûn we derd çun derdedaran