ئەی براکەی کورد ڕوو بکە ئینتیفاق
از کتاب:
دیوانی ویساڵی
اثر:
وصالی (1902-1973)
2 دقیقه
468 مشاهده
ئەی براکەی کورد ڕوو بکە ئینتیفاق
بۆ عاقڵ نابی، لادە لە نیفاق
تاکەی ئەکێشی باری بێگانە
هەتاکەی مردی بە دەردی مەراق
دەرکە لە دڵت حەسەد و کینە
یەک بن بە ڕۆح و بە ماڵ و ئینفاق
گەر موتتەحید بن لە وەقتی غوروب
یومکین پێشکەون بۆ وەقتی ئیشراق
دەستی یەک بگرن برا و قەوم و خوێش
خودا قادرە، ناسرە و ڕەززاق
بۆ ڕزقی عالەم خوا خۆی کەفیلە
و لا تقتلوا خشيه املاقعربی
کەوا بوو یەکتر مەکوژن بۆ تەماع
جەهد کەن لەبۆ شیرینی ئەخلاق
تا سەری تەماع نەبڕی کاکی کورد
زەحمەت پێشکەوی تا يوم الفراقعربی
ئەی گەلانی کورد هۆشتان بەخۆ بێ
زۆر کەس بە خوێنتان تینووە و موشتاق
وەک دۆشاو و ماست تێکی هەڵ مەدەن
نەوەک موحتاج بێ بە کووچەی سوقاق
بە ماری زمان یەکتر مەگەزن
تا نەکەن مەیلی تریاقی عێراق
برا تێک مەدەن خاکی کوردستان
خۆ دووچار مەکەن بە دەردەی وەناق
ئەگەر پێویستی لەبۆ پێشکەوتن
لادە لە نیفاق ڕوو بکە لە ویفاق
خزمی خۆت بگرە بێگانە لادە
خۆت زەحمەت مەدە بە ما لايطاقعربی
ویساڵیتخلص ئەی گەل زۆر بێ تەرەفە
دائیم تالیبە لەبۆ ئینتیفاق
نە ئەم لاییە، نە ئەو لاییە
لەسەر ئایینی موستەفایی ساق
گەر لە گوێ بگرن پەندی ویساڵیتخلص
موفیدە، موفید تا ڕۆژی میساق