قەت لە ئادابی دوعا ئەم پیرە تەقسیری نییە
از کتاب:
دیوانی ناری
اثر:
ناری (1874-1943)
1 دقیقه
823 مشاهده
قەت لە ئادابی دوعا ئەم پیرە تەقسیری نییە
سا لەگەڵ تەقدیری خوا چی بکەم کە تەئسیری نییە
ویردی دڵ بێ غایەت و پایانە وەک تەقسیری من
تا ئەبەد وەک عەفوی تۆ ئیمکانی تەحریری نییە
سیدقی مەزموونی کەلامم عەینی سوبحی سادقە
ئەو بە تەرزی ئاخری شەو کیزب و تەزویری نییە
حەیفە بۆ ئەربابی دەرکی غەزنەوی گاهێ بڵێن
جامیعی حیکمەت ئەیازە و حوسنی تەدبیری نییە
عاقڵ و فەرزانە هەردەم وا لە قەیدی میحنەتا
شێت و بێ پەروا لە دنیا باکی زنجیری نییە
گوڵ لەگەڵ خارا ڕەفیقی بولبولی دڵ بێ نەسیب
عیللەت و ئیشی خودا ئیشکالە تەفسیری نییە
سەیدی وەحشی دەستەمۆ بێ چاکە نەک سڵ کا بە هیچ
بازی تۆ ئیمڕۆ کە چونکە تابی نەخچیری نییە
گەردشی ئاخر زەمانە و شۆڕشی دەوری قەمەر
نوور و زوڵمەت بۆیە لای کەس فەرق و تەوفیری نییە
ئەهلی دانا قەت لە ناریتخلص ناگرێ هەرگیز غەڵەت
چونکە نەفسێکی ئەدیب و عاقڵ و ژیری نییە