وژینبوکس > ناری > دیوانی ناری > ا > تا قیبلەیی من وا لە مەقاماتی سەفەردا

تا قیبلەیی من وا لە مەقاماتی سەفەردا

ئەم غەزەلەی بۆ بابە عەلی شێخ مەحموودی حەفید نووسیوە کە لەو کاتەدا لە میسر ئەیخوێند
از کتاب:
دیوانی ناری
اثر:
ناری (1874-1943)
 1 دقیقه  922 مشاهده
زبان:
کردی مرکزی
قالب:
غزل
وزن:
مفعولُ مفاعیلُ مفاعیلُ فعولن––∪/∪––∪/∪––∪/∪––
هزج مثمن اخرب مکفوف محذوف
گزارش اشتباه
فونت:
تا قیبلەیی من وا لە مەقاماتی سەفەردا
یاڕەببی نەبێ خاتری هەرگیز لە خەتەردا
گەر سەرفی غەمم بێ بە دەمی عومری عەزیزم
ناڵێ ئەحەدێ، نەقدی حەیاتی بە زەرەر دا
بڕوا مەکە، وەک ئەهلی سلێمانی و کەرکووک
کەس دەوڵەتی ئیمانی بە سڵق و بە گەزەردا
بۆ تۆ ئەگەڕێ بولبولی دڵ کووچە بە کووچە
بێچارە لەبەر تۆزی سەفەر، غەرقە لە گەردا
مەیلی غەزەلم ناوەتە پێچاڵی هەم و غەم
دڵ خاڵییە ئەمڕۆ، چ لە بەیتا، چ لە فەردا
تا خاتری من میسرە لەبۆ عەکسی جەماڵت
لای ئەهلی خیرەد، عەینی خدێوم لە نەزەردا
بۆ چی نییە ئاساری سەوادی ڕەقەمی تۆ
وەک سورمە هەتا ڕەونەقی بینش بە بەسەردا