ئەی مانگی کەلوی پڕ شەڕەفی سەروەری
از کتاب:
ڕۆحی مەولانا خالید
اثر:
پیرمرد (1867-1950)
1 دقیقه
295 مشاهده
ئەی مانگی کەلوی پڕ شەڕەفی سەروەری
وەی گەوهەری دورجی «سەدەف»ی دولبەری
ڕۆژی، لە ئاسمان «پەخشی» جەمال و کەمال
تازە گوڵی گوڵبەنی پێغەمبەری
دەسکە وەنەوشەی گەشی باخی دڵم
بۆنی لە عەتری گوڵی گوڵعەنبەری
هاتبوو لافی ئەمە لێدا بەخێر
وەک خەتێ بنوێنی سەوزی و تەڕی
داخێکی وام ناوە بەسەر ڕوویەوە
یەعنی غولامی بێ، بە فرمانبەری
ئێستە سەری شۆڕە بە شەرمەندەیی
بەستۆیەتە پشت کەمەری چاکری
تۆبەیە ئیتر کە منیش هەم نەڵێی
بەستەزوبانە لە زبان ئاوەری
خالیدتخلصی دڵدادە ئەپاڕێتەوە
جورمی ببەخشە و لە خەتای تێپەڕی