چەرخی دوون
از کتاب:
دیوانی میرزا غەفوور
اثر:
میرزا غفور (1870-1938)
1 دقیقه
465 مشاهده
تەبعی من، بۆ میننەتی ئەم چەرخی دوونە هەڵگرێ؟
کێ بە مەعلوومی دەزانێ بەر لە من ئەو نامرێ؟
سەر ئەگەر فیکرێکی بێتوو، دڵ ئەگەر هۆشی ببێ
تێ فکرێ، کێ بردیە ئاخر، تاج و تەخت و ئەفسەری
من بە ئومێدی چ بم، بەم وەزعە چۆن دڵ خۆش بکەم؟
کێ لە دەست تیری ئەجەل، سەیدی حەیاتی دەربەرێ؟
ئولفەتم نادەم بە دونیای دوون و بێ میهر و وەفا
کەی موحیبی کەس بووە، مشتوویەتی تەنپەروەری
من بە عومری خۆم کە نەمزانیوە تۆو، نەمدی لە کەس
ئاهـ و حەسرەتکەش نەبووبێ، بێ فیغان و چەنبەرێ
بەم هەموو ناز و نیازە تۆ لەگەڵ دونیا دەکەی؟
حاڵەتی غەیرێ، نەدامەت، نەیبووە بۆ کەس سەرێ
واقیعا بەعزەن بە وەجهی ئیمتحان و تەجروبە
هەر وەکوو بووک دیتە پەردە، نایەڵێ کەس لێ بەرێ
خاڵە میرزاتخلص! چی دەکەی؟ دونیا دەنی، تۆ دڵ غەنی
هەر وەکوو لات داوە لادە، بەڵکوو بۆ خۆی شەق بەرێ