لە ناموساعیدی بەخت
از کتاب:
دیوانی میرزا غەفوور
اثر:
میرزا غفور (1870-1938)
1 دقیقه
236 مشاهده
لەگەڵ بەختی بەدم چی بکەم؟ بڵێم چی! چۆن بکەم چارێ؟
لە کوێ بێنم لە دنیادا وەکوو خۆم دڵ بریندارێ؟
لەلای کێ کەم بەیانی حاڵ و مەزلوومی غەریبی خۆم
لە خزمەت کێ بکەم دادێ لەبۆم بێ «ئەو» بە غەمخوارێ؟
خوداوەندا عیلاجم هەر بە لوتف و ڕەحمەتی تۆیە
بە لوتفی تۆ مەگەر پەیدا ببێ بۆ من سەبەبکارێ
لە داخی بێکەسیی خۆم، وا پەرێشانحاڵ و داماوم
ئومێد ناکەم، لە پژدەردا بە کەس کەم عەرز و هاوارێ
وەرە «میرزاتخلص» پەناهیدە بە قاپی غەوسی بەغدا بە
دووەم کاک ئەحمەدی مەرحووم دەبەخشن مەعسیەتبارێ