به حسب آیه‌ی قدیمه‌ی «إِذَا زُلْزِلَتِ الْأَرْضُ زِلْزَالَهَا، وَأَخْرَجَتِ الْأَرْضُ أَثْقَالَهَا»

از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
 1 دقیقه  247 مشاهده
مەیۆ بە زوهوور زەلزەلەی غەریق
ئەووەڵ سەرمەدۆ جە موڵک مەشریق
چون زەلزەلەی سەخت مەوتاو دەفائین
کول مەبان موخرەج جە بەتن زەمین
جەودما جە هیند و عەرەب وەلوەلە
چەند جا مەبۆ غەرق قووەی زەلزەلە
ئەووەڵ جە دیار هیند باد ئەجەل
مەدۆ بە موئمین مەوت موعەججەل
باد مولائیم مەیۆ چون حەریر
موئمینان بە مەوت مەکەرۆ ئەسیر
موئمین، موئمینات جوملە نە دنیا
کول مەکەن ڕیحلەت بە دار عوقبا
جەودما بە ئەمر عەلیم وەههاب
حەک مەبۆ خوتووت سەفحەی هەر کیتاب
چون وەحش کۆهی عالەم خاس و عام
دین مەکەن غایب سەراسەر تەمام
مەبۆ ئاشکار هەر فیسق و فوجوور
ئەوسا قیامەت مەیۆ بە زوهوور