در تاریخ و خاتمه‌ی کتاب گوید
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
351 مشاهده
ئەر کەسێ جە حاڵ ئەی بەندەی زەعیف
ئەر بی بە سائیل، پێش بدەر تەعریف
«عبدالقادرشخص»ەن ئیسم و ئەوسافم
نە زنجیرەی زەنب قەید ئینسافم
ئەسڵم هەماوەند فیرقەی چەلەبی
داروون جە ڕەسوول جوامێر نەسەبی
ئێدەن ئیلتیجام جە ئیخوان دین
قەولم قەبووڵ کەن بە سیدق و یەقین
هەر وەقت وانان مەنزوومەی ئاداب
ڕەوان کەن پەرێم «فاتح الكتابعربی»
هەم بکەن دوعای نەجاتم جە قەید
هەم سەر ئازادی جە هەر عەمرو زەید
هەم دوعای خەیر کەن پەی عەفوی گونام
هەم نەقسێ جە شیعر نەکەن ئیلتیزام
ئەگەر بەیان کەم عیجزم بە ئیخلاس
مەقبووڵەن عوزرم جە «كرام الناسعربی»
هەر یەن دڵ نە قەید زاڵم زەلیلەن
چەنی پەژاران چون دەریای نیلەن
بە عەزیمیی وێت عەلیم وەههاب
عەفو کەر سامیع، «قاریء الكتابعربی»
جە سەنەی هەزار و سێسەد و یەکەم
تەئلیف کیتاب ئاما بە ڕەقەم
«ناصرالدينشخص» شا جەودەم سوڵتان بی
تەعمیر کونندەی موڵک ئێران بی
نگین بەختش تاج کەیان بی
فەڕو ئیقباڵش توڕڕەی فەرمان بی
سوڵتان «حەمید خانشخص» جە قوستەنتین بی
ساحێب سەلابەت، تەخت و نگین بی
پەی یادگاری ئینشام کەرد کیتاب
بەڵ حیسسەمەند بان یاران و ئەحباب
بەر جیسم و بەر جان «سيد الانامعربی»
هەزاران دروود و هەزاران سەلام