گفتار در ذکاوت حضرت سلیمان علیه السلام
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
525 مشاهده
جوبرەئیل بە ئەمر خەللاق مەعبوود
ڕوقعەی دە سوئال سپەرد بە داوود
فەرماش بە داوود «عليه السلامعربی»
ئەمرش بەی تەورەن زات «لاينامعربی»
نەبی سولەیمان ئیحزار کۆ نە پێش
ڕەمز سوئالات تەڵەب کەرۆ لێش
ئەگەر ئەدا کەرد مەعنای لەتیفە
قابیلەن نە جاش ئەو بۆ خەلیفە
حەزرەت داوود چیهرە کەرد ڕەوشەن
تا ئەشراف قەوم سازا ئەنجوومەن
جەمع کەرد عولەما و نوقەبای بیلاد
ئیحزار کەرد حەزرەت سولەیمان دەرلاد
کەردشان سوئال جە دەوڵەت پەنا
جەواب دەر، چێشەن ئەقرب ئەشیا
جەواب دا مەوتەن ئەقرەب هەرشەی
جە مەوت مەرحەلەی عوقبا مەبۆ پەی
واتشان چێشەن ئەبعەد ئەشیا
واتش بە ئەمەل ڕەنج دەی نەی دنیا
واتشان ئەحسەن ئەشیا کەر بەیان
واتش ئەو جەسەد جەسیم بۆ نە جان
پەرساشان وەحشەت ئەشیا یەعنی چێش
واتش ئەو جیسمەن ڕۆح نەمانۆ تێش
پەرساشان ئەقبەح ئەشیا نە جیهان
جەواب دا کوفرەن جە دمای ئیمان
واتشان دائیم قائیم کیانەن
جەواب دا هەم ئەرز و هەم ئاسمانەن
پەرسان موختەلیف دائیمی کامەن؟
واتش شەب و ڕۆژ عەکسش مەدامەن
پەرسان باغیزان کیانەن بە هەم؟
وات مەوت و حەیات باغیزەن هەردەم
پەرسان ئەو ئەشیا بەیان کەر مەعلووم
ئەنجام فیعلش قەبیحەن مەزمووم؟!
جەواب دا ئەو شەی حیددەت مەقسوودەن
جە لای عوقەلا فیعلش مەردوودەن
مەسئەلەی هەنی عولەمای کیبار
عەرز کەردن نە ڕووی ئەو دەوڵەت مەدار
ئاوەردن بە نوتق کول موقاوەلە
ئەگەر تۆ زانای مەعنای مەسئەلە
ئەوسا سەحیحەن خەلافەت تۆ
وەلیعەهدیی تۆ مەنمانۆ شکۆ
کام ئەعزان پاک بێ جەمیع ئەعزا
بەو جوملە ئەعزا مەبان موسەففا
ئەگەر ئەو ئەعزا غەلیز بۆ گوشاد
سائیر ئەعزا مەدۆ بە فەساد؟
واتش ئەو ئەعزا ئەسڵ زەمیرەن
هەر ئەعزا جە ئەسڵ ئەو نە تەغییرەن
«أحْسَنْتَعربی» گۆیان نە مەجلیس خێزا
هەم کەردن تەبریک، هەم «بارك اللهعربی»
نامەی خەلافەت جوملە کەردن مۆر
سپەردن بە دەست ئەو ساحێب شوعوور
عیبرەت گر دەروێشتخلص جە نوقسانیی وێت
ئیکمال ئاسیب کول ئاما نە ڕێت