در تاریخ و خاتمه‌ی کتاب گوید

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 2 خولەک  328 بینین
ئەر کەسێ جە حاڵ ئەی بەندەی زەعیف
ئەر بی بە سائیل، پێش بدەر تەعریف
«عبدالقادرکەس»ەن ئیسم و ئەوسافم
نە زنجیرەی زەنب قەید ئینسافم
ئەسڵم هەماوەند فیرقەی چەلەبی
داروون جە ڕەسوول جوامێر نەسەبی
ئێدەن ئیلتیجام جە ئیخوان دین
قەولم قەبووڵ کەن بە سیدق و یەقین
هەر وەقت وانان مەنزوومەی ئاداب
ڕەوان کەن پەرێم «فاتح الكتابعەرەبی»
هەم بکەن دوعای نەجاتم جە قەید
هەم سەر ئازادی جە هەر عەمرو زەید
هەم دوعای خەیر کەن پەی عەفوی گونام
هەم نەقسێ جە شیعر نەکەن ئیلتیزام
ئەگەر بەیان کەم عیجزم بە ئیخلاس
مەقبووڵەن عوزرم جە «كرام الناسعەرەبی»
هەر یەن دڵ نە قەید زاڵم زەلیلەن
چەنی پەژاران چون دەریای نیلەن
بە عەزیمیی وێت عەلیم وەههاب
عەفو کەر سامیع، «قاریء الكتابعەرەبی»
جە سەنەی هەزار و سێسەد و یەکەم
تەئلیف کیتاب ئاما بە ڕەقەم
«ناصرالدينکەس» شا جەودەم سوڵتان بی
تەعمیر کونندەی موڵک ئێران بی
نگین بەختش تاج کەیان بی
فەڕو ئیقباڵش توڕڕەی فەرمان بی
سوڵتان «حەمید خانکەس» جە قوستەنتین بی
ساحێب سەلابەت، تەخت و نگین بی
پەی یادگاری ئینشام کەرد کیتاب
بەڵ حیسسەمەند بان یاران و ئەحباب
بەر جیسم و بەر جان «سيد الانامعەرەبی»
هەزاران دروود و هەزاران سەلام