هێزی هیوا لە وجوودی بەشەر
از کتاب:
دیوانی خادیم (بەرگی ٢)
اثر:
خادم (1895-1953)
1 دقیقه
741 مشاهده
ئومێد سیفاتی ئینسانی ژیرە
کاری پیاوی ژیر هەر بە تەدبیرە
پیاوی خیرەدمەند ئومێدەوارە
شادی ئەبینی لەم ڕۆزگارە
نائومێد نابی کاتی تەنگانە
«بعد عسر يسرعربی» قەولی یەزدانە
لە ڕەشایی هەور ئەبینی جاری
بارانی سپی وەک دوڕ ئەباری
هیوات بەهێز بێ لە تەنگانەدا
شتێک هەر هەیە لەم هەمبانەدا
ڕوو لە خوا بکە مەنواڕە هەر سوو
چونکی فەرموویە «ولا تيٲسواعربی»
پایانی شەوی زۆر تاریک و ڕەش
ئەبێتە سەحەر ڕووناک و هەم گەش
ئومێدەواری مەعنای ژیانە
بێ ئومێدبوونیش مەعنای نەمانە
ئومێد موئنەسی کاتی غەمخواری
ئومێد شیفایە بۆ دەردەداری
ئومێد ئەشیعەی نووری خودایە
بۆ تاریکی دڵ شوعلەی چرایە
بۆ دڵی ساردت گەرمی بەخشی شەوق
بۆ تاڵی زارت شیرین بەخشی زەوق