کۆست

ئای چ ڕۆژێکی شوم و غەمناکە!..
کە خۆر خنکاوە لە تەم و مژا
شاعیرێ بە دیار تەرمی خۆرەوە..
ئەگری و زستانی هاتووە بە گژائاگری سینەش بوو بە خۆڵەمێش..
دڵی وێرانەم ئێستا سارد و سڕ
لە زستانێکدا چۆن بوو بە هەڵم..
ڕۆژێ لێوانلێو لە بڵێسە و گڕ؟کوا ئەو ڕۆژانەی کە گەڵای نیگای..
بۆ جەستەی سڕی من دائەباری؟
بۆ منی خەستە دوو باخی نیگای..
گەڵای فرمێسکی ئەکردە دیاریبۆ ترپەی دڵمان ناڕژێتە ناو یەک..
وا دەستی زستان لە دەرگا ئەدا؟
ئاخ.. لە سوچێکا سەر ئەنێمەوە..
مەرگێکی خامۆش وەک مەرگی گەدابەر لەوەی لەیەک جیا ببینەوە..
نەمئەوت نوقمی موچڕکە و بەفرم
خەیاڵ ئەیبردم بەرەو گەرمەسێر..
ئەو بەفرە بووبووە سابات و کەپرملەگەڵ ئەوا بووم.. بەفر پشکۆ بوو..
کە گەڵاش نەبوو بە ڕووی دارەوە
من گوڵزارێکم ئەهاتە بەر چاو..
بە چڵی ڕووتی بەفرانبارەوەبەفر بۆ من بوو بە بەرگی پرسە..
منی خستە ژێر باری جەورەوە
بە یادی ئازیز سەرەڕێ ئەگرم..
خۆم ئەخەمە ژێر باڵی هەورەوەمن لەگەڵ هەورا.. ئەگریم بە یادی..
ئەو ڕۆژانەی کە ناگەڕێتەوە
ئەو بەفرەی لەسەر ڕێی کۆچیا باری..
لە دڵی منا چۆن ئەتوێتەوە؟کێ لەم زریانەم ئەشارێتەوە..
کێ.. کێ خۆی ئەکا بە چەتری سەرم؟
کەسێ نابینم سیمای لەو بچێ..
بەر لە مردنم هانای بۆ بەرملە لام بووبوونە پۆلێ قەلەڕەش..
گشت کڵۆبەفری ئێوارە کۆچی
لە دنیایەکا پڕ لە چەتری ڕەش..
من بەفر نەکەم بە چەتر بۆچی؟بەفر تابووت بوو.. تابووتێک سپی..
ئازیزم سەری تێدا نایەوە
بە ئێوارەیەک سەرم سپی بوو..
بە ئاهم بەفر نەتووایەوەتاوێ گریام و بە چۆکا هاتم..
ئەشکم ڕژانە سەر شوێن پێکانی
حەزمەکرد شوێن پێی نەسڕێتەوە..
بە سەریا بگریم هەتا بەیانیخۆزگە ئەمتوانی دڵم دەربێنم..
خوێنی بتکێنمە سەر شوێن پێکانی
ڕیزێک شوێن پێی سوور.. بەسەر بەفرەوە..
جوانییەک نییە.. شان با لە شانیوتم.. خوایە گیان چی ئەبێ ئەگەر..
جارێکی تر خۆر هەڵنەیەتەوە!
تا شوێن پێکانی لەسەر ئەو بەفرە..
هەتا هەتایە نەسڕێتەوەئای نەم ئەزانی ئەو شوێن پێیانەی..
دواین تروسکەی ئاواتی منن
لەژێر پێی خەڵکا ئەسڕێنەوە و
گشت جوانەمەرگی دەستی مردننکەسیش نەیزانی.. شوێن پێیەتی یا..
دڵمە بە ژێر پێی ڕێبوارانەوە!
ئەبێ بە ئاو.. و ئەکەوێتە ژێر..
بەفر بارینی ئێوارانەوەئێستاکەش گەرچی خەزانی تەمەن..
ئەمبا بەرەو گۆڕ کزەبا و تەمی
لە چاوما هەوری حەسرەت و پرسیار..
چەخماخە ئەدا.. کەیلە لە غەمیهەرچەند لە دوای ئەو، من بۆ گزنگێ..
تەمی مەینەتیم.. بنێتە ناو مشت
ڕۆژانێکی زۆر هەر هاتم و چووم..
دڵ سووتا.. چاوم ئەشکی زۆری ڕشتدەستێکی مژدە لە دەرگای نەدام..
کەسێکم نەدی خورپە بێ بۆ دڵ
زستانی ژوورم تەفروتوونا کا و
تاپۆی تەنیاییم.. بنێتە ژێر گڵبڵێی بێتەوە بەر لەوەی گۆڕێک..
باڵام بنێتە باوەشی ڕەشی؟
لە ئەشکیا بمشوا و خۆڵەمێشی دڵ..
کڵپە بسێنێ سەر لەنوێ لەشی!