kost

ay çi řojêkî şum û ẍemnake!..
ke xor xinkawe le tem û mija
şa’îrê be dyar termî xorewe..
egrî û zistanî hatuwe be gijaagirî sîneş bû be xołemêş..
diłî wêranem êsta sard û siř
le zistanêkda çon bû be hełm..
řojê lêwanlêw le biłêse û giř?kwa ew řojaney ke gełay nîgay..
bo cestey siřî min da’ebarî?
bo minî xeste dû baxî nîgay..
gełay firmêskî ekirde dyarîbo tirpey diłman nařjête naw yek..
wa destî zistan le derga eda?
ax.. le suçêka ser enêmewe..
mergêkî xamoş wek mergî gedaber lewey leyek cya bibînewe..
nem’ewt nuqmî muçřike û befirim
xeyał eybirdim berew germesêr..
ew befre bûbuwe sabat û kepirimlegeł ewa bûm.. befir pişko bû..
ke gełaş nebû be řûy darewe
min gułzarêkim ehate ber çaw..
be çiłî řûtî befranbarewebefir bo min bû be bergî pirse..
minî xiste jêr barî cewrewe
be yadî azîz sereřê egirim..
xom exeme jêr bałî hewrewemin legeł hewra.. egrîm be yadî..
ew řojaney ke nageřêtewe
ew befrey leser řêy koçya barî..
le diłî mina çon etwêtewe?kê lem ziryanem eşarêtewe..
kê.. kê xoy eka be çetrî serim?
kesê nabînim sîmay lew biçê..
ber le mirdinim hanay bo berimle lam bûbûne polê qeleřeş..
gişt kiłobefrî êware koçî
le dinyayeka piř le çetrî řeş..
min befir nekem be çetir boçî?befir tabût bû.. tabûtêk sipî..
azîzim serî têda nayewe
be êwareyek serim sipî bû..
be ahim befir netuwayewetawê giryam û be çoka hatim..
eşkim řijane ser şwên pêkanî
ḧezmekird şwên pêy nesřêtewe..
be serya bigrîm heta beyanîxozge emtiwanî diłim derbênim..
xwênî bitkênme ser şwên pêkanî
řîzêk şwên pêy sûr.. beser befrewe..
cwanîyek nîye.. şan ba le şanîwitim.. xwaye gyan çî ebê eger..
carêkî tir xor hełneyetewe!
ta şwên pêkanî leser ew befre..
heta hetaye nesřêteweay nem ezanî ew şwên pêyaney..
diwayn tiruskey awatî minin
lejêr pêy xełka esřênewe û
gişt cwanemergî destî mirdininkesîş neyzanî.. şwên pêyetî ya..
diłme be jêr pêy řêbwaranewe!
ebê be aw.. we ekewête jêr..
befir barînî êwaraneweêstakeş gerçî xezanî temen..
emba berew goř kizeba û temî
le çawma hewrî ḧesret û pirsyar..
çexmaxe eda.. keyle le ẍemîherçend le dway ew, min bo giznigê..
temî meynetîm.. binête naw mişt
řojanêkî zor her hatim û çûm..
dił sûta.. çawim eşkî zorî řiştdestêkî mijde le dergay nedam..
kesêkim nedî xurpe bê bo dił
zistanî jûrim tefrutûna ka û
tapoy tenyayîm.. binête jêr giłbiłêy bêtewe ber lewey gořêk..
bałam binête baweşî řeşî?
le eşkya bimşiwa û xołemêşî dił..
kiłpe bisênê ser lenwê leşî!