ئەی بە هەر ئاوێنە حوسنێک و تەجەللایێکی دی
لە کتێبی:
دیوانی وەفایی
بەرهەمی:
وەفایی (1844-1902)
1 خولەک
486 بینین
ئەی بە هەر ئاوێنە حوسنێک و تەجەللایێکی دی
ئەی بە هەر چاوی دڵی عاشق دڵارایێکی دی
بۆ خیتابێکی شەو و ڕۆژ ئەو دڵەی سووتاوی من
تووری ڕۆحم تالیبی دیداری مووسایێکی دی
چونکە ئاوێنەی جەماڵی شاهی خووبانە دڵم
دیتە ئاهـ و ناڵە هەر دی ڕوویی زیبایێکی دی
غارەتی هۆشم دەکا هەردەم پەرێکی شۆخ و شەنگ
بۆیە وا هەردەم لە دڵما شۆر و غەوغایێکی دی
هیجری تۆ ڕۆحان دەکێشێ، وەسڵی تۆ ڕۆحان دەدا
ئەی فیدای زولف و ڕوخت بم! تۆ مەسیحایێکی دی
من بە چاو و گەردنی تۆ تەشنە و خوێنین دڵم
ئاوری من دانامرێنێ جام و مینایێکی دی
قیبلەگاهی عاریفان کەس وەک عوبەیدیللاناوی تایبەت نەبوو
عالمێکی وا دەبێ بۆ غەوسی بەغدایێکی دی؟
هەر لە تەقدیری وەفاییناسناوی ئەدەبی بوو شەوی دی مەیفرۆش
حەیفە بۆ تۆ هەر دەمە دەیر و کلیسایێکی دی