تا نەرگسی تۆ نازی هەبێ غەمزە نومابێ
لە کتێبی:
دیوانی وەفایی
بەرهەمی:
وەفایی (1844-1902)
1 خولەک
681 بینین
تا نەرگسی تۆ نازی هەبێ غەمزە نومابێ
شەرمەندە ئەبێ چینییە ئاهوویی خەتابێ
ئەی خوسرەوی خووبان بە دوو لێوی شەکەرینت
شیرین نییە فەرهاد بکوژی تۆ بە عیتابێ
سەبزەی دەمتە داویە شکەست خەتتی ڕێحانی
خەتتێکە غوباری کە بە یاقووت کشابێ
حەیرانی دەم و سەبزەیی نەوخێزی لەبی تۆم
بێ نوکتە نییە قەت خەتی ئایاتی خودابێ
سووتاوە دەروونم لە غەمی غەمزەیی جانان
موتریب بڵێ، ساقی بە کەرەم بێنە شەرابێ
خوێنی دڵی ڕشتم لە هەوا دڵ نەبوو خاڵی
عاشق بە خودا وایە وەکوو من بە وەفابێ
حوسنت بە لەتیفی قەد و شیرینیی زارت
قەد باغی ئیرەم دارە گوڵێکە گوڵی نابێ
تۆ هەر بە جەفا مەیلی وەفاییناسناوی ئەدەبیتە عەزیزم
مەعشووقە دەبێ هەم بە وەفا هەم بە جەفا بێ