توولی هەیە، بەیانی قسەی فیکری خامی دڵ
لە کتێبی:
دیوانی سالم
بەرهەمی:
سالم (1800-1866)
1 خولەک
443 بینین
توولی هەیە، بەیانی قسەی فیکری خامی دڵ
هەر وەسفی زوڵفی یارە، سەراسەر کەلامی دڵ!
سامانی کاری تالیبی وەک زوڵفی خۆی دەوێ
بێ نەزمییە لە مەزهەبی یارا، نیزامی دڵ!
خوێنی حەریرڕەنگی دڵم هاتە ڕوو لە چاو
نەمگرتە بەر حەریرقەبایێ بە کامی دڵ!
جەم لەززەتی خوماری وەکوو من نەدی، ئەبەد
نۆشیومە تا شەرابی مەحەببەت بە جامی دڵ
دڵ غەرقی نووری ڕووتە لە دەیجووری زوڵفتا
نابێ تولووعی سوبحی سەعادەت لە شامی دڵ
دڵ بێخوودە لە دیدەت و دیدەت خەرابی مەی
مەی چاکی سەند لە دیدەیی تۆ، ئینتیقامی دڵ
دڵ باعیسە کە ڕامە بە سالمناسناوی ئەدەبی دڵی حەبیب
یا ڕەب! بدەی لە دەوری جیهانا دەوامی دڵ