بەفر

از کتاب:
ئاوێنە بچکۆلەکان
اثر:
شیرکو بیکس (1940-2013)
 1 دقیقه  549 مشاهده
منداڵ بووم و سەرەتا بوو
خۆشەویستیت
تۆپەڵە بەفرێ بوو بچووک
بە قەد تۆپێ.
ڕۆژ هات و چوو
سەرنج ئەدەم:
هەتا تەمەن بەرەو لێژاییی مل بنێ
تۆپەڵە بەفری ئەوینیش خول ئەخوات و
دائەگەڕێ و
گەورە ئەبێ.
ڕۆژێکیش دێ
ئەی وڵاتە سپیکەلە غەمگینەکەم!
کە قورساییی کێوی بەفر
بەم دڵە بچکۆلانەیە
هەڵنەگیرێ و
هەر بە دەستی خۆشەویستیی
تۆ بکوژرێ!