تا جە داخی تاق جفتی خەمەنان

از کتاب:
دیوانی مەولەوی
اثر:
مولوی (1806-1882)
 1 دقیقه  683 مشاهده
تا جە «داخی» تاق، جفتی خەمەنان
ڕاس باڵا چون چۆی چەوگان چەمەنان
شەماڵ وە خزمەت ئەو زامان خەتەر
بشۆ، ئەر پەرساش ئێدش جواو دەر:
گیرۆدەی ئازار سەختی فیراقەن
هەر چەند موشتاقی ئێندە موشتاقەن
بەڵام تاوی سەیل دەردەکەی دووریت
لافاوی هووناو ڕەنجی مەهجووریت
تانجەرۆی ئەی چەم، سیروانی ئەو چەم
جۆشاوێ وە هەم ئەی چەم تا ئەو چەم
کەڵەک هورمدا نمازا دەو لێش
ڕای ئامام نەوی پا بنیەو ئەو پێش