پۆل

از کتاب:
کازیوە
اثر:
شیرکو بیکس (1940-2013)
 1 دقیقه  468 مشاهده
لەناو پۆلدا
کڵۆ تەباشیرێ هەستا،
ڕووی کردە ڕیزە کورسییەکان
وتی ئەبم بە مامۆستا!
کورسییەک دەستی هەڵبڕی
وتی: پرسێ،
وانەکەمان لەچی ئەدوێ؟!
تەباشیرەکە بۆی نووسین
-مێژووی برین-
«دێریاسین» چووە سەر تەختە و،
دیوارەکان کەوتنە گریان
پەنجەرە کەوتە خوێندنەوەی ڕووبارەکان
برین گەورە بوو، گەورە بوو
تا پۆلی خوێندن لەناویا
بوو بە کەشتی و
چارۆکەی خوێنینی هەڵدا
مامۆستاش بوو بە «مانگێک» و
لە سەرەوە، ڕێی شەفەقی
نیشان ئەدا!