لە وەڵامی نامەی بابەکر ئاغای پژدەردا
از کتاب:
دیوانی میرزا غەفوور
اثر:
میرزا غفور (1870-1938)
1 دقیقه
506 مشاهده
بە مژدەی سیحەتت جانا، ئەوەندە شادمانیم کرد
کە تەسویری حەیات و عومری تازە و جاویدانیم کرد
لە ئەحواڵم دەپرسن، من لە سایەی لوتفی مەولاوە
بیحەمدیللا لە دنیادا بە مەردی زیندەگانیم کرد
بە غەیرەز فیرقەتی دیداری یارانم ئەلەم نابێ
زەمانێکیش بە سەربەستی لە پژدەر حوکمڕانیم کرد
لەگەڵ هەرکەس کە هەمدەم بووم، بە یەکڕەنگی و مەردی بوو
ئەمێستاکە کە خۆم دەیڵێم، کەمێکیش کامەرانیم کرد
موڕەقەم نامەکەت بۆم بوو بە مایەی ئیفتخاراتێ
گەلێ پێم خۆش بوو ئەم حاڵە، بە عیزەت میهرەبانیم کرد
ئومێدم وایە، هەموارە لە تەحریرات قسوور ناکەی
کە عالەم پێم دەڵێن «میرزاتخلص» بە خامەی زەڕفشانیم کرد