ئەی چاو! بۆ لافاو خوێناو ناڕێژی
از کتاب:
دیوانی زاری
اثر:
زاری (1905-1982)
2 دقیقه
325 مشاهده
ئەی چاو! بۆ لافاو خوێناو ناڕێژی
زوان! تۆ بۆ زەهر فەنا ناچێژی
سینە بۆ ئاور بەرنادەی لە خۆت
جگەر بۆ زووخاو لە جەرگت ناڕۆت
ئەی گیان ئەتۆ بۆ بار ناکەی لە ماڵ
تەن ئەی تەن تۆ بۆ ناوی وە زووخاڵ
تەمی زسانی دووری وا جۆشا
بەهاری دیدار ئازیزی پۆشا
بێدادی فەلەک دووری خستە بەین
ئای بۆ جیایی شیوەن بۆ نەکەین
تۆفانەکەی نووح با بژیێتەوە
«وفار التنورعربی» نۆبەی بێتەوە
هەوری ڕەشی غەم بگرێ هەوای دڵ
بڕێژێ تەرزەی دەردی دووری گوڵ
سەیلی ئاوی چاو وەک شەتاوی خان
با سەرە و ژێر بێ بۆ یەخە و دامان
گرمە و لرفەی هەور بانگی بێ شەرمم
هەورە تریشقەی هەناسەی گەرمم
شێوەی نەفخی سوور قیامەت ئەدەن
زەلزەلە سارا و کەژ و کۆ ئەخەن
دێتە گوێی خاتر لە پێشەوای قەوم
سەدای پەیاپەی «لا عاصم اليومعربی»
وەنەوشەی کەللەم غەرقە لە تەمدا
نزیکە چاوی بدا وەهەمدا
بڕژێ لافاو وەسەر «مەرخوز»دا
«مەلقەرەنی» با وەسەر «سەقزمکان»دا
دەشتی «کارێزە» بکا وە دەریا
«بەردەسوور»یش خۆی نەگرێ لە بەریا
«کوک لاشکاوی» لە «گاڕەش» بەردا
چاڵاو با وەسەر «باوە خەنجەر»دا
لافاو هەی نەڕۆی بەرەو دوا بێرۆ
نەکا «ئاڵکەڵوومکان» ببێ بە ژێرۆ
وەتەنی ئازیز پەروەرشگامە
جێگای با و باپیر قەوم و برامە
مەزرەعەی سەوزی زیندەگانیمە
باغی ڕۆح ئەفزای عەهد جوانیمە
مەڵێن بەسیەتی کەم بدە چەنە
نیشانەی ئیمان حوببی وەتەنە
فەرامۆش ناکا «زاریتخلص» تا ماوە
شادی و سەفا و زەوق سەیری «سەر چاوە»