بێژی کەڕەتێ بە دڵ ببینم
از کتاب:
دیوانی زاری
اثر:
زاری (1905-1982)
1 دقیقه
441 مشاهده
بێژی کەڕەتێ بە دڵ ببینم
گوڵزاری جەماڵی نازەنینم
دێوانە منم لە تاوی عەشقت
مەشغووڵی یەخەی کەوا دڕینم
ئارامی دڵی بە شیوەن ئاوام
بنچینەیی کەیف و پێکەنینم
قیبلەت کەچ ئەبێ ئەگەر بپرسی
ئەحواڵی دەروونی پڕ برینم؟
تێفکرە لە جەوری تۆیە جاری
دوو جۆگە لە چاوی پڕ گرینم
مەعلوومە لە داوی زولفی تاتات
دەرچوونی نییە نە دڵ نە دینم
سەر بێنە دیاری دڵ، بزانە
وەک شەمع تەنێکی ئاورینم
لەم گوڵشەنەدا هەتا قیامەت
مەمنووعە خەیاڵی هەڵفڕینم
«زاریتخلص» لە بەهەشتی وەسڵی یارا
موژدەت بدەمێ لە خالیدینم