شیرین وەک شەکر
از کتاب:
چەپکێ گوڵ و خونچە
اثر:
علی عارف آقا (1910-1996)
1 دقیقه
305 مشاهده
یارە جوانەکەم شیرین وەک شەکر
لە غونچەی بەهار نەرم و تازەتر
گۆنەت وەک چرا درەوشایەوە
هەناسەت بەخشی بۆنی وەک عەتر
پرشنگی چاوت وێنەی گەلاوێژ
ڕووناکیی خستە دڵەی سارد و سڕ
چەندە پێم خۆشە بە تیری غەمزە
جەرگی ناپاکان ئەکەی شڕ و پڕ
تۆ هەر بمێنی لە باغی ژینا
داواکاریمە لە خودای نەمر
ئاوات ئەخوازم کە بگەم بە تۆ
ئەوسا مردنیش لام هیچە ئیتر