یاری ئاشنا
از کتاب:
چەپکێ گوڵ و خونچە
اثر:
علی عارف آقا (1910-1996)
1 دقیقه
266 مشاهده
هەتا ئەو یارە پێمان ئاشنا بوو
شەوان لامان وەکو ڕۆژ ئاشنا بوو
کە دەرکەوتایە ڕووی شیرین و جوانی
لە شەودا شەوقی وێنەی چلچرا بوو
بە خەندەی لێوی شیرین تێی گەیاندم
دڵی نەرمی لە من نەختێ شکابوو
بەڵام لێم بوردووە تاوانی بەخشیم
بەسەر چوو قین و کینەی هەرچی مابوو
ئومێدم وایە ئیتر بێتە یانەم
بەرابەر من کە ئێستە هەستی چا بوو
هەژاری سێبەری شوومی کە لاچوو
هەتاوی شادی بۆ دڵ ئاشکرا بوو
کە مادام هاتە دی ئاواتی ژینم
ئیتر بێچاری دووچاری فەنا بوو