گلەیی لە چەرخ
از کتاب:
گوڵاڵەی مەریوان
اثر:
قانع (1898-1965)
1 دقیقه
721 مشاهده
سەیری چەرخی چەرخە کۆنە چۆن بە ناڕاستی گەڕا؟
ڕەحم قەت ناکا بە موفلیس، شەرم قەت ناکا لە شا
نیمچە سووڕی دا لەسەر مەیلی مەلا مفتی هەزار
لای بەلای شێخی تەریقەت کردەوە بوو بە هەرا
ئێستەکەش وا هاتە سەربازاڕی قووەی کارەبا
زیکری زاهد تێکەڵە با سینەما باسی نەما
ڕوو لە لوقمانی زەمانە وەرگەڕێ ئەیکا بە کەر
کلکی کەر بەرزۆ بکا ئەیکا بە لووتی ئارد بەبا
کەوتە سەرباری غەزەب چەن پادشای کرد بە هەتیو
هاتە سەرباری کەرەم چەن هیچ و پووچی کرد بە شا
گێژەڵووکە و گەردەلوولی دا بەسەر قاجاریا
کەوکەبی سەد ناسری هاوێشتە ناو گێژی فەنا
بۆ برووزی جەوهەری ڕێوی ئەفەوتێنێ پڵنگ
پشتی شێری کرد بە جێگەی نیشتنی دێڵە بەبا
هێندە عەکس و دوون پەرەستە بۆ نەبوونی قانعیتخلص
ڕیشە کێشی کرد بەجارێ دەبدەبەی شێری خوا