من و فلس
از کتاب:
چوارباخی پێنجوێن
اثر:
قانع (1898-1965)
1 دقیقه
982 مشاهده
ئەی فلس وەڵڵا لە داک و باب و باپیر چاتری
تۆ لە دووسەد خزم و خوێش و دەسگیر چاتری
هەی بە قوربانی زڕەت بم ڕۆژی سەودا و مامەڵە
تۆ لە شێر و خەنجەر و بڕنەو گەلێ ئازاتری
وابزانم بێ ئەدەب نابم ئەگەر ئەمڕۆ بڵێیم
تۆ لە لوقمانشخص و ئەرەستووشخص عالم و داناتری
من بەچاوی خۆم ئەبینم کەمتیارت کرد بە شێر
بەینی بەینەڵڵا لە خواجە و فەیلەسووف وریاتری
چەن زەبەللاح و قوڕمساخ و تەڕاحت کرد بە پیاو
جا کەوابوو تۆ لە خوێندن چاتر و باڵاتری
کلکی کەر بەرز کەیتەوە ئەیکەی بە پێشەنگی قەتار
ئافەرین بۆ تۆ فلس بێشک لە من داناتری
***
وەرامی فڵس
قانعاتخلص گشت کەس ئەزانێ تۆ گژۆڵە و سەرکزی
تۆ لە گشت کەس بێ فلووس و بێ دەس و ڕسواتری
کاکە ئانە و مامە درهەم کۆمەکم کەن بێمە لات
تۆ لە جەم جەمتر لەدارا بێ خەم و داراتری
ئێستەکانێ چۆن جەنابی من لە تۆ دوورم تەواو
تۆ لە ڕێوی گەڕ خرابتر لات و بێ عنواتری
خوانەخواسە دەفعەیێ نەقشم ببینی تۆ بە خەو
جا ئەزانم چۆن لە گشت کەس هار و بێ مەعنا تری