سێ سێی قانع

از کتاب:
چوارباخی پێنجوێن
اثر:
قانع (1898-1965)
 1 دقیقه  978 مشاهده
سێ شتن ئەمڕۆ لە دنیا بێ وەجاخ و جێگەدار
شاعیران یەک، عالەمان دوو، نیشتمانی کوردەوار
سێ شتن لەم دەورەدا هیچ شۆرەت و ناویان نییە
عەیبی دەوڵەتمەند و شێعری قانعتخلص و مەرگی هەژار
وەک پڵاوی خانەقا ئیسمێکی بێ جسمی برا
یەک مرووەت، دوو سەخاوەت، سێ وەفای عەهد و قەرار
سێ نەخۆشی کەوتە دنیا هیچ دەوا و چارەی نییە
کیبر یەک، بەرتیل دوو، سێ، موخلسی پارە و دینار
سێ مەتاعی پڕ بەها ئەمڕۆ تەواو بێ قیمەتن
یەک شێعر، دوو ڕاستی، سێ حورمەتی خاک و دیار
بێ وەفایی لازمەی سێ تایەفەن لەم کانەدا
دولبەران یەک، کورسی دوو، سێیەم گوڵی خونچەی بەهار
سێ کەسن هەگیز بە مەیل و ئارەزووی خۆیان نەگەن
قانعی یەک، برسی دوو، سێ بوڵبوڵی دێوانە کار