لە دوگمەی سوخمە دوێنێ نوێژی شێوان
از کتاب:
دیوانی نالی
اثر:
نالی (1800-1877)
1 دقیقه
3279 مشاهده
لە دوگمەی سوخمە دوێنێ نوێژی شێوان
بەیانی دا سفیدەی باخی سێوان
لە خەوفی تەلعەتی ڕۆژ هەروەکوو شێت
بە ڕووزەردی هەڵات و کەوتە کێوان
دو چاوی من کە وا کەیلی سوروشکن،
دەپێون ئاوی بەحری خوێ بە پێوان
مەکەن لۆمەی پەشێوی دڵ کە ئەمشەو
پەشێواوە لەبەر پەرچەم پەشێوان
شەرابی لەعلی ڕوممانی لە نالیتخلص
حەرامە بێ مەزەی ماچێکی لێوان