جێی شانازییە
از کتاب:
ئاشنایی و ڕۆشنایی
اثر:
علی عارف آقا (1910-1996)
1 دقیقه
422 مشاهده
یار کە بێتە لام جێی شانازییە
ئەویش مەبەستی بۆ دەسبازییە
ئەو هەرچی فەرموو سەرم لە ڕێیە
من هەرچی ئەڵێم ئەویش ڕازییە
گەر وتی: بمرە دەسبەجێ ئەمرم
مردن ئەوپەڕی دڵنەوازییە
کە ئەو دولبەرە وا دڵسۆزم بێ
بۆ ئازاری دڵ چارەسازییە
کە یەکترمان ویست ئێمە ئیتر کەی
کارمان بە شێخ و مەلا و قازییە؟
ئەو نازەنینە بە عیشوە و بە ناز
هات و ڕۆح بەستەی ڕاز و نازییە
بۆ ئەوەی دوور بم لە چاوەڕوانی
هەمیشە لای بم وا نیازییە