cêy şanazîye
From the Book:
Aşnayî û Roşnayî
By:
Ali Aref Agha (1910-1996)
1 minutes
455 views
yar ke bête lam cêy şanazîye
ewîş mebestî bo desbazîye
ew herçî fermû serim le řêye
min herçî ełêm ewîş řazîye
ger witî: bimre desbecê emirim
mirdin ewpeřî diłnewazîye
ke ew dulbere wa diłsozim bê
bo azarî dił çaresazîye
ke yektirman wîst ême îtir key
karman be şêx û mela û qazîye?
ew nazenîne be ’îşwe û be naz
hat û řoḧ bestey řaz û nazîye
bo ewey dûr bim le çaweřwanî
hemîşe lay bim wa nyazîye