عەجەب شۆخی لە نەفحەی پەرچەمی پڕ چینی موشکینی
از کتاب:
شیعرەکانی شوکری فەزڵی
اثر:
شکری فضلی (1882-1926)
1 دقیقه
1065 مشاهده
عەجەب شۆخی لە نەفحەی پەرچەمی پڕ چینی موشکینی
ئەسیری سەڕسەڕی نیسیانە ئێستا نافەیی چینی
لە بەیتی ڕوومەتی خاڵی سیاهی وەک حەجەر وایە
کە بۆیە عالەمێ ئێستاکە وا موشتاقە بۆ دینی
لەبۆ باغی نەزاکەت نەونیهالێکە سەمەن بۆیە
لەگەڵ بەرگی بەهەشتی ڕەشک ئەدا ئەندامی سیمینی
لە زەخمی چەشم، یا ڕەب دوور کەوێ گوڵزاری حوسنی یار
ڕواوە سونبولی خۆشبۆ لە سەر ئەو سنگی نەسرینی
ئەمیر ئیبنی ئەمیرە، هەم لە حوسنا میری میرانە
لە دنیا دین ئەکا یەغما، عەقیقی لێوی شیرینی
تەماشاگاهی ڕوخساری حەمەد بەگاعلام تا مویەسسەر بێ
ئەمن چ بکەم لە خولد و کەوسەر و گوڵزاری ڕەنگینی
لەگەڵ عوششاقە گوفتی هەر بە خەنجەر هەممیتخلص ئەو شۆخە
خودا بمکا فیدایی خەنجەر و دەستی بلوورینی